سنة 2023 وخصوصا شهر 6 وقع قدامي فيديو اسمه عيانين بالابداع للمبدع احمد البحيري

الفيديو ده كان نقله كبيره جدا في حياتي 

الفيديو بيتكلم عن اضطراب فرط الحركه وتشتت الانتباه 

ساعتها قررت اكشف عشان اتأكد هل انا فعلا واحد من العيانين بالابداع ولا بيتهيألي

ومن هنا بدأت رحلتي من الكشف والبحث والقرايه والكتابه لحد ما وصلنا لهنا

بص

مبدأيا كده انت تخيل نفسك كل يوم بتصحى من النوم تقع على وشك لحد ما وشك باظ خالص من كتر الوقعات وفي الاخر تكتشف ان السبب في كل ده انه عندك اضطراب بيخليك تقع على وشك كل يوم 

الفكره بقى من الصفحه دي اني اعرف اكتر عن اضطراب فرط الحركه ونقص الانتباه وده لاكتر من سبب

• نقص المعلومات المصريه والعربيه بخصوص اضطراب فرط الحركه وتشتت الانتباه (ADHD) ومفيش غير مصادر اجنبيه وانا مكملتش تعليمي

• انا وغيري كتير من المميزين والعيانين بالابداع محتاجين نوعي الناس ونعرفهم بحالتنا ونقولهم اني مش مجرد حد غير منظم لكن انا مبتكر ومبدع واعرف انجح في اي حاجه

• عايز اقول لكل ام عندها طفل زينا انها تهتم بيه وتحاول تعرف حالته كويس عشان تعرف تعمل منه طفل ناجح في كل شيئ واحسن من كل قرايبه 

• عملت البيت ده عشان حاجات كتير يمكن اكون سبب في ان غيري يفهم حالته ويفهم هوه ليه هوه او ابنه كده

• عملت البيت ده عشان يكون زي بيت للمبدعين ونجمع بعض ونحاول نستفيد ونفيد بعض

• عملت البيت ده عشان نتجمع كلنا على الخير والهدف الاول وهوه اننا نساعد بعض كلنا في اننا نكون الافضل

لو عجبك محتوانا على اي منصه من منصات التواصل الاجتماعي فياريت تدعمني , وسائل الدعم المتاحه : 

• انك تدعيلي كتير بكل الخير كل ما تفتكرني

• انك تقولي رأيك عشان رأيك مهم وانت دلوقتي في بيتك ومع اخواتك اللي شبهك

• انك تقولي ازاي اطور من البيت بتاعنا وصدقني ده هيفيدنا كلنا

• انك تدعمني على فودافون كاش على رقم 01010617215 عشان اعرف اطور البيت واخلي بيتنا دايما عامر بالخير

الفكره من الدعم عموما هوه انك بتعرفني اني مش لوحدي وبتأكدلي اننا كتير من اللي بيحبوا الخير وكتير من الموهوبين والمبدعين وكل واحد في مجاله